Стапката на невработеност во земјава во третиот квартал од 2013 година изнесува 28,7 проценти. Според објавените податоци на Државниот завод на статистика, бројот на невработени лица изнесува 273.860 лица.
Во однос на претходниот месец бележи намалување од 0,1 отсто кога бројот на невработени лица изнесувал 274.969.
Повеќе од половина од невработените се на возраст меѓу 15 и 24 години, а 27,7 проценти од невработените се на возраст од 25 до 49 години.
Според образование со четири години средно се 114.350 невработени лица, а со високо 41.509 невработени лица.
Стапката на активност во третиот квартал од годинава изнесува 57,3, а активното население во земјава брои 957.417 лица. Најмногу вработува преработувачката индустрија каде се вработени 134.339 лица и во земјоделскиот сектор се 127.747 лица.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
