Најпопуларната и најочекувана манифестација од нашата поранешна и сегашна земја, „Златна бубамара на популарноста“ го најавува 17. издание со еколошки монетарен слоган: ОД ПАРИ СЕ ЖИВЕЕ – НЕ ОД ВОЗДУХ!
Во третата недела на февруари традиционално, по 17. пат, ќе се одржи спектакуларното доделување во кое организаторот ги обврзува сите посетители и учесници да бидат во текот со времето (современи), да користат голема автоцензура и на настанот да дојдат без своите автомобили.
Сашко Коцев и Субрата Рој – Кили
„Златна бубамара 2013“
Чистиот воздух и мирната душа се потреба во секое хумано опшество, и додека го чекаме тој убав ден, бараме да ќутите, слушате радио и дишете по дома.
Од штабот на популарното радио „Бубамара“ најавуваат дека овој голем медиумски празничен ден повторно ќе биде во знакот на непревидлива сатира, пристоен хумор, добра музика и аплаузи за сите добитници, меѓу кои и најголемите македонски и балкански ѕвезди.
– „Златна бубамара“ секогаш во свој препознатлив стил ја прераскажува изминатата година, ја дијагностицира и лекува нашата реалности и опшествена стварност. Во измнинатите години создававме тематски различни идеолошки бубамари: затворска, транзициска, европска, романтична, барокна, малерозна, социјалистичка.
Ранко Петровиќ
За оваа година нашата програма повторно ќе биде – вкусно природно овошје создадено од овоштарникот на нашите најпопуларни личности и уметници кој создаваат богатство на нашата душа – открива Ранко Петровиќ, автор и режисер на „Златна бубамара на популарноста“.
Билетите ќе се продаваат од 12 јануари преку МКТИКЕТС.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
