Во последниот натпревар од групната фаза во Лигата на шампиони, Милан на „Сан сиро“ ќе го дочека Ајакс, каде што мора да победи доколку сака да обезбеди пласман во нокаут- фазата.
Бразилецот Рикардо Кака, кој по не толку успешната епизода во Реал Мадрид се врати во Милан, полека се враќа во старата форма, а против тимот на Ајакс го чека неговиот јубиларен стоти гол за „росонерите“.
– Нема да биде лесно против Ајакс, нѐ чека сериозен натпревар во кој мораме да победиме. Ќе биде одлично ако в среда го постигнам јубилејниот стоти гол во дресот на Милан, би било голема чест за мене – рече Кака.
Кака, кој е најдобар бразилски стрелец во историјата на ЛШ, досега одигра 282 натпревара и постигна 99 гола за Милан.
На табелата во групата Х моментално води тимот на Барселона со 10 бода, Милан е втор со два помалку, Ајакс заостанува три бода од Барселона, додека, пак, Селтик е последен во групата и е без шанси.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
