По првата претстава „Љубов или нешто слично“, чиешто прикажување помина одлично кај битолската ублика, театарот „Дел арте“ подготвува нов проект.
„Локал 69“ е комедија на интрига и повторно, како и за првата претстава, е по текст на Димитар Захариевски и во режија на познатиот македонски пејач Бојан Стојков.
Воедно, и Захариевски и Стојков ги имаат главните улоги, а покрај нив во „Локал 69“ настапуваат Климентина Митревска, Елена Тодосиоска, Тамара Стојкковска и Глорија Лазовска.
Претставите ќе се одиграат во Центарот за култура во Битола на 9, 10 и на 11 декември, сите со почеток во 20.00 часот.
Театарот „Дел арте“ постои една година. Негова примарна задача е подготовка и изведба на театарски претстави (комедии), а секундарна – регрутацијата, селекцијата и едукацијата на новите таленти, со цел негување на вистинските вредности на комедијата и на префинетиот хумор.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
