Кражбата на артефакти во националната институција Музеј на Македонија е последниот силен удар што го претрпи македонската држава. Исчезнатите, навидум неважни, ситни предмети од злато и од сребро, дефинитивно, ја отворија дилемата за вистинската заднина на систематското опустошување на културното богатство преку дивите копачи, илегалната трговија со артефакти и кражбите на икони.
Постојат три можни причини зошто исчезнале артефактите. Првата е најлогична, тој што украл стотина вредни историски предмети, или групата што го направила тоа, ќе се обиде да ги продаде на црниот пазар, кој се протега од Солун до Хонгконг, или веќе го сторил тоа. Практично, на секое ќоше од Земјината топка има заинтересирани за предмети од периодот на Филип и на Александар Македонски.
Втората причина за кражба на предметите од античкото депо на Музејот на Македонија е можноста тие да се претопат и да се продадат како чисто злато, што има помала логика затоа што и да се соберат сите златни предмети, тие не можат да достигнат тежина од еден килограм злато.
И на крајот, третата и најконтроверзна причина, нарачка од одредени центри, кои имаат политички причини Македонија да нема артефакти од периодот на таканаречената рана антика, како што во историјата се нарекува периодот од 500 до 168 година пред нашата ера.
Целиот текст прочитајте го во најновиот, 65. број на неделникот Република, кој е во продажба од денеска, 29 ноември 2013 година
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
