Жена претепана со метална шипка затоа што многу викала

Жена од тетовското село Бродец била претепана со метална прачка бидејќи видела непознат на балконот од нејзината куќа. Натрапникот прво ја предупредил да не вика, а потоа ја удрил со металната прачка. Жената била пренесена во тетвоската болница и е надвор од животна опасност.

МВР јави дека вчера околу 20 часот во селото Бродец-Тетово, на балконот од сопствената куќа, Р.З.(46) забележала засега непознато лице, кое ја удрило неколку пати во пределот на главата со метална прачка. Имено, таа излегла на балконот и кога го забележала лицето почнала да вика, а тоа ѝ се заканило дека ќе ја убие доколку не престане да вика. Р.З. е пренесена и задржана на лекување во МЦ-Тетово и е надвор од животна опасност. Увид на самото место извршила увидна екипа од СВР-Тетово, при што се подигнати траги слични на крв, кои ќе бидат доставени за вештачење. СВР-Тетово презема мерки за пронаоѓање на сторителот.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.