Полицијата приведе неколкумина за инцидентот на мечот Вардар – Металург

МВР денес соопшти дека неколку лице се уапсени под сомение дека го предизвикале инцидентот на ракометниот меч Вардар-Металург во спортскиот центар Борис Трајковски.

На 24.11.2013 година, околу 18,10 часот, во Скопје пред СЦ „Борис Трајковски“ околу 150-200 навивачи на РК „Вардар“ поради тоа што не биле пуштени во салата го нарушиле јавниот ред и мир со фрлање камења, шишиња и други предмети кон полициските службеници. Од нарушувањето на јавниот ред и мир со тешки телсни повреди се здобиле В.С.(41) од Скопје, гледач, кој е пренесен и задржан на лекување во ГОБ „8-ми Септември“ и Г.К.(41) од Скопје, вработен во Агенцијата за обезбедување „Перпетум Мобиле“ кој бил ангажиран за обезбедување на натпреварот и истиот е пренесен и задржан на лекување во Ургентен центар Скопје. Приведени се повеќе лица поради сомнение дека го нарушиле јавниот ред и мир, по целосно документирање на случајот ќе биде поднесен соодветен поднесок.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.