Наполи со значајна победа во Фиренца, Јувентус ја торпедираше Катанија (видео)

Тимот на македонскот репрезентативец Горан Пандев Наполи победи во дерби дуелот од десетото коло во италијанскиот фудбалски шампионат „Сериа А“ на гостувањето во Фиренца против екипата на Фиорентина со 2-1. Големите три бода за Наполи ги донесоа Каљехон и Мертенс во 12 и 36 минута. Едниствениот гол за Фиорентина го постигна Роси во 28 минута од пенал. За тимот на Наполи од првата минута настапи и Пандев и играше се до 81 минута кога беше заменет од Армеро. Со овие три бода Наполи остана во трката за водечката позиција и е на само два бода зад водечкиот тим на Рома која има натправар помалку кој го игра утре на домашен терен против Киево.

Јувентус убедливо ја совлада екипата на Катанија со 4-0. Силината на „старата дама“ ја почуствува екипата од Сицилија со четири примени погодици во својата мрежа. Сите четири гола за Јувентус беа постигнати од различни играчи. Во првиот дел мрежата ја затресоа Видал и Пирло со прекрасен гол од слободен удар во 26 и 34 минута. Во вториот дел стрелци беа Тевез и Бонучи во 66 односн 71 минута.

Екипата на Милан очигледно нема тим за висок пласман оваа сеозна. Новото разочарување за навивачите им го приредија нивните миленци со нерешениот резултат 1-1 против тимот на Лацио. Поведе Милан со голот на Кака кој првпат се запиша во листата на стрелци за оваа година по враќањето од Реал Мадрид. За Лацио голот го постигна Кани кој им донесе вреден бод од ова гостување.

Во останатите натпревари од 10 коло беа постигнати следните резултати:

Каљари-Болоња 0-3, Џенова-Парма 1-0, Ливорно-Торино 3-3, Сасуоло-Удинезе 1-2, Верона-Сампдорија 2-0.

Вчера: Аталанта-Интер 1-1.

Утре се игра последниот натпревар од ова коло Рома-Киево.

Јувентус-Катанија 4-0 (Видал 26, Пирло 34, Тевез 66, Бонучи 71)

Фиорентина-Наполи (Роси 28-Каљехон 12, Мертенс 36)

Милан-Лацио (Кака 54-Кани 72)

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.