Навивачка има 643 грама вишок, не може да настапи на „Супербол“

Навивачка на Балтимор нема да може да го бодри својот клуб на мегапопулрниот „Супербол“ бидејќи се здебелила цели 643 грама. Иако 23-годишната Кортни Ленц веќе пет години е членка на навивачките на Балтимор, таа не ќе може да настапи на неделниот „Супербол“ во Њу Орлеанс бидејќи ја надминала дозволената килажа.

– Од мене бараа да бидам тешка под 55 килограми – изјави за американскит весник „САД Денес“ несреќната навивачка. Пријателите на Ленц веќе покренале петиција преку интернет на 23-годишната навивачка да и биде дозволено да настапи на „Супербол“. Засега тие собрале преку 23 илјади потписи.

„Ваквата одлука на тимот на Балтимор е навреда за сликата за здраво тело“, пишуваат пријателите на Ленц во петицијата.

Од клубот тврдат дека тие само ги почитувале високите и строги правила на НФЛ-лигата.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.