Шварценегер: Роналдо би победил на Мистер Олимпија

Поранешниот шампион во бодибилдинг, актерот Арнолд Шварценегер, е голем фан на Кристијано Роналдо за кого вели дека е во сјајна форма.

– Роналдо е одлично граден. Неговите стомачни мускули изгледаат феноменално. Неговиот изглед ви говори дека е во сјајна форма и е јасно зошто е најдобар фудбалер – вели Шварценегер.

Поранешниот гувернер на Калифорнија смета дека Роналдо би можел да се натпреварува за Мистер Олимпија, титула која Шварценегер ја освои седум пати.

– Не верувам дека Роналдо би сакал да се натпреварува за Мистер Олимпија. Него го интересира да биде најдбобар фудбалер, како што и јас сакав да ја добијам титулата, тоа се два поинакви спорта – додаде познатиот Терминатор.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.