Сарачини: Денеска очекувам решение со Косово

Министерот за економија, Ваљон Сарачини, очекува дека на средбата со косовскиот вицепремиер Хајредин Кучи денеска во Скопје ќе се реши проблемот со трговската војна со Косово. Сарачини посочи дека Македонија и Косово имаат одлични политички и економски односи и дека моменталната ситуација не му одговара никому.

– Наоѓањето решение е врвен приоритет на владите на двете земји и треба да се случи. По средбите што ги имавме во Приштина со министерот за трговија и финансии, сметам дека работите се движат во вистинска насока. Дијалогот е почнат, создадени се услови за почнување процес што треба да придонесе до заемно прифатливо решение за двете страни, изјави Сарачини.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.