Холандија и Италија први патници од Европа на Мундијалот во Бразил

Холандија и Италија се првите патници од Европа на Мундијалот во Бразил, а блиску до целта се и Германија, Белгија и Швајцарија. Во останатите групи се уште има битка за првата позиција која гарантира учество на СП следната година, а конечниот расплет ќе биде познат во октомври.

Холандија со два гола на Робин ван Перси ја победи Андора и го осигура првото место во Д групата. Италија малку потешко, со пресврт ја надигра Чешка и е сигурна на челната позиција. Козак им донесе предност на Чесите во првото полувреме, а Кјелини и Балотели од пенал во вториот дел донесоа радост за „аѕурите“ и пласман на СП.

Швајцарија со 2-0 нагости го победи директниот конкурент Норвешка во меч од Е групата и во последните два натпревари, и треба само еден бод за пат во Бразил. Речиси сигурно таму ќе патува и Германија по победата над Фарски Острови од 3-0. Меретесакер, Озил од пенал и Милер го доближија „елфот“ до пласман на ново светско првенство. Победниците од сите 9 групи се сигурни, а најдобрите 8 второпласирани селекции ќе играат бараж натпревари за уште 4 места.

Резултати и пласман по групи:

Група А: Македонија – Шкотска 1-2, Велс – Србија 0-3

Табела: Белгија 22, Хрватска 17, Србија 11, Шкотска 8, Македонија 7, Велс 6

Група Б: Италија – Чешка 2-1, Ерменија – Данска 0-1, Малта – Бугарија 1-2.

Италија 20, Бугарија 13, Данска 12, Чешка и Ерменија по 9, Малта 3.

Група Ц: Фарски Острови – Германија 0-3, Казахстан – Шведска 0-1, Австрија – Р. Ирска 1-0.

Табела: Германија 22, Шведска 17, Австрија 14, Р. Ирска 11, Казахстан 4, Фарски Острови без бодови.

Група Д: Андора – Холандија 0-2, Унгарија – Естонија 5-1, Романија – Турција 0-2.

Табела: Холандија 22, Унгарија 14, Турција и Романија по 13, Естонија 7, Андора без бодови.

Група Е: Норвешка – Швајцарија 0-2, Исланд – Албанија 2-1, Кипар – Словенија 0-2.

Табела: Швајцарија 18, Исланд 13, Словенија 12, Норвешка 11, Албанија 10, Кипар 4.

Група Ф: Русија – Израел 3-1, Луксембург – Северна Ирска 3-2.

Табела: Русија 18, Португалија 17, Израел 12, С. Ирска и Луксембург по 6, Азербејџан 5.

Група Г: Словачка – БиХ 1-2, Грција – Летонија 1-0, Литванија – Лихтенштајн 2-0.

Табела: БиХ и Грција по 19, Словачка 12, Литванија 8, Летонија 7, Лихтенштајн 2.

Група Х: Украина – Англија 0-0, Сан Марино – Полска 1-5.

Табела: Англија 16, Украина и Црна Гора по 15, Полска 13, Молдавија 5, Сан Марино без бодови.

Група И: Белорусија – Франција 2-4, Грузија – Финска 0-1.

Табела: Шпанија и Франција по 14, Финска 9, Грузија 5, Белорусија 4.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.