Полицијата ги уапси екс врховниот судија Александар Бошњаковски и неговиот син Мартин, а сеуште трага по малата Александра , нејзиниот татко Стефан и бабата Снежана. МВР поднесе 4 кривични пријави за одземање на малолетник и запуштање на дете а обвинителството ѓе бара и притвор за случајот на 6 годишното девојче кое повеќе од 2 години спротивно на судските одлуки не е со својата мајка.
Утрово бил извршен претрес во 3 стана во Скопје но девојчето не било пронајдено.
Неизвесно е дали осомничените во исказот пред истражен судија ќе откријат каде ја кријат Александра. За институциите нејзиното пронаожање е предизвик зашто осомничените поседуваат поголем број станови и имот низ повеќе делови на земјата.
Екс судијата Бошњаковски уште пред месец и половина кога сител ја обелодени сторијата за киднапоираното девојче призна дека тој знае каде е Александра и дека е подготвен на се, само да ја спречи мајката да биде со својата ѓерка.
Членовите на семејството Бошњаковски нема да одговараат само за незаконското држење на Александра туку и за запуштање откако и лани и оваа година не дозволуваат девојчето да појде во училиште.
За случајот на нозе се крена целата македонска јавност а бурно реагираа и домашните и меѓународните организации за права на децата. Александра ја дефинираа како жртва на неразумните постапки на родителите и бавниот и слабо функционален институционален систем.
Најголемиот предизвик сеуште претстои- да се најде 6 годишното девојче и да се врати кај законскиот старател.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
