Не произлезе договор од денешната средба на Тимотеј и Села. Владиката и струшкиот градоначалник сами зад затворени врати разговараа триесетина минути околу проблемот за изградбата на параклисот во селото Октиси.
По завршувањето на средбата струшкиот градоначалник рече се работи за меѓуверски конфликт, кој треба да се надмине а жителите од муслиманска и православна вероисповест треба да живеат мирно и спокојно.
Според Села во моментов најдоброто решение е времената мерка за одложување на изградбата на параклисот, која тој уште вчера ја побара од струшкиот суд.
– Време мерка за забрана, сега засега на активностите.Како прво рокот што го имаат православните до 30 ти септември со времената мерка ќе се продолжи ќе немаат никаков проблем. Ќе се даде простор страстите да се смират и веркисте заедници да седнат да се договорат. Тоа е целта на времената мерка и тоа е најдоборот решение заради безбедносни причини, изјави Зидаин Села градоначалник на Струга.
Владиката Тимотеј не сакаше да коментира. Тој само рече дека преговорите ќе продолжат.
На денешната средба не присуствуваа претставници од месното население од село Октиси од православна и муслиманска исповест, ниту претставници од ИВЗ.
Меѓуверскиот инцидент се случи во неделата кога православните жители на селото Октиси беа спречени од нивните сожители од муслиманска веросиповест да стават темели за изградба на црквата “Свети Димитрија”, за што имаат градежна дозвола.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
