Романската пејачка ги збесна посетителите на „Пивофест“. До толку што нејзините најголеми обожаватели, сакајќи што подобро да уживаат во енергичниот настап на згодната Ина, се качуваа кој каде ќе стигне.
Камерманите неуспешно се трудеа да продолжат со работа кога поголема група на развеселени обожаватели се качи на платформата каде што беше поставен телевизискиот кран на Канал 5. Токму во кулминацијата на настапот, се случи и неминовното – кранот се преврте и за малку ќе ги повредеше сите кои се наоѓаа во негова близина.
За среќа веднаш се реагираше и се избегна поголема беља. Колку материјална штета предизвика настапот на Ина, ќе се знае во текот на денешниот ден.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
