Погледнете како се пишува добар роман во „Работилница“

„Работилница“, филмот на Лорен Кантет пристигнува на редовниот репертоар на кината.

Приказната се одвива во Ла Циотат, град на југот на Франција. Антоан учествува во работилница, каде неколку млади и надежни писатели се одбрани да напишат крими трилер со помош на Оливија, која е успешен автор. За задача имаат да ја истражат индустриската историја на местото, која носи носталгија- за што Антоан воопшто не е заинтересиран. Тој е повеќе загрижен за модерниот свет, па набрзо влегува во конфликт со остатокот од групата и Оливија, која упорно се обидува да ја скроти неговата агресивна природа.

Режисерот Кантет и ко-сценаристот Роберт Кампиљо, кој минатата година го одушеви Кан со филмот „120 удари во минута“, ја започнуваат приказната како документарна сторија за малото медитеранско место и убиствата што таму се случуваат за време на индустрискиот развој, за втората половина на филмот да прерасне во мрачен трилер во кој ликовите се борат со своите убедувања, социјален статус и потекло.

Филмот започнува да се прикажува на редовниот репертоар на кината од денес, 29 ноември.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.