“Недовршена симфонија/Регионална детска филхармонија” филм на авторката Оливера Милош Тодоровиќ

Во четврток, 29. март во 12 часот, во концертната сала на ДМБУЦ “Илија Николовски-Луј” ќе се одржи промоција на документарниот филм “Недовршена симфонија/Регионална детска филхармонија” филм на авторката Оливера Милош Тодоровиќ.

80 талентирани млади музичари од Македонија, Србија, Црна Гора, Босна и Херцеговина, Хрватска и Словенија ги споија својот талент и посветеност на музиката.

Ова е филм кој е пример за позитивна соработка во регионот. Дали новите генерации го имаат потенцијалот да ги променат стереотипите на своите родители?

По проекциите на филмот во Белград и Загреб, каде веќе се одржаа неговите промоции, следеше дискусија во која учество земаа многу познати личности. На овој несекојдневен настан гостите во Македонија ќе имаат можност да дискутираат и да ги разменат искуствата со актерката Јана Стојановска.

Влезот е слободен за сите заинтересирани.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.