Дарио Ивановски во машка категорија и Адријана Поп Арсова во женска категорија беа најбрзи на денешната трка „Скопје трча 10 километри“ (Skopje Run 10К) што се одржа на улиците на македонската престолнина.
Ивановски ја заврши трката со време од 32:04 минути, втор беше Дејан Атанасов со 32:47 минути, а трет ја помина целта Атанас Анчевски со 33:28 минути.
Поп Арсова истрча со време од 38:28 минути, а со време од 39:06 минути на второто место заврши Миљана Ристиќ, додека трета беше Биљана Кираџиева со 39:59 минути.
Трката се одржува втора година по ред и годинава беа пријавени над 1.500 учесници, односно двојно повеќе од лани.
Оваа година се трчаше под мотото „Секој километар значи“ и трката имаше хуманитарен карактер за поддршка на „СОС Детско село“.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
