Шпанскиот моторциклист младиот Марк Маркез триумфираше на трката во Заксенринг што се возеше за ГН на Германија.
Маркез ја искористи шансата на отсуството на Хорхе Лоренцо и Дани Педроса и се искачи на првото место во генералниот пласман со 137 бодови и сега има два бода повеќе од Педроса и десет од Лоренцо.
Трката ја започна од пол позицијата но веднаш по стартот беше поминат од Валентино Роси и Штефан Брадл.
Како одминуваше трката младиот Шпанец возеше се посигурно и во шестиот круг го зазема првото место и го сочува до крајот. На второто место се пласираше Кал Крачоло со заостанување од две секунди, а на третото беше Валентино Роси.
Следната трка во МотоГП шампионатот се вози на прославената патека во САД „ Лагуна Сека “.
Во Мото2 шамионатот победа извојува Шпанецот Жорди Торес пред Италијанецот Симоне Корси и сонародникот Пол Еспаргаро. Во генерален пласман води Скот Ридинг со 143 поени пред Пол Еспаргаро со 120 и Естеве Рабат со 88 бода.
Во Мото3 тројна победа на шпанските моторциклисти. На подиумот се искачија Алекс Ринс пред Луис Салом и Маверик Вињалес.
Истите овие возачи го сочинуваат триото и во генералниот пласман. Луис Салом е прв со 172 бода пред Маверик Вињалес со 158 и Алеск Ринс со 142 бода.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
