Најмалку осум лица загинаа при налетот на тропската бура Флоренс, што ги погоди американските сојузни држави Северна и Јужна Каролина, соопшти Националниот центар за урагани на САД.
Бурата предизвика големи полави во делови на Северна и Јужна Каролина, примнудувајќи најмалку 20.000 лица да ги напуштат своите домови.
Во акциите за помош на настраданите се вклучени припадници на Маринскиот корпус, крајбрежната стража и цивилната заштита, како и голем број доброволци.
Гуверенерот на Северна Каролина, Рој Купер изјави дека Флоренс продолжува да „истура монументални количества на дожд“, иако нејзината моќност е намалена.
– Многу луѓе кои мислат дека бурата ги одмина, се уште не се соочиле со нејзините закани, изјави Купер, додавајќи дека поради невремето околку 800.000 домаќинства во Северна Каролина останале без електрична енергија.
Флоренс се формира како ураган над Атлантскиот Океан, но откако во петокот пристигна до источниот брег на САД, ослабна на ниво на тропска бура. Во нејзиното жариште вчера претпалдне по локално време дуваа ветришта со брзина од 150 километри на час, по што во текот на денот тие се намалија до 75 километри на час.
Метеоролозите предвидуваат дека бурата, која се движи кон сојузната држава Охајо, ќе продолжи да слабее како што ќе навлегува се подлабоко во континенталниот дел на САД, но и во текот на наредните денови се очекуваат поројни дождови во реоните низ кои ќе минува.
The center of #Florence is still slowly making its way across eastern South Carolina, as seen by #GOESEast. Heavy rains and catastrophic flooding persist across parts of the Carolinas. Latest: https://t.co/vbhs9LS9MV pic.twitter.com/f3fHYMospG
— NOAA Satellites (@NOAASatellites) September 15, 2018
Не е ислкучено кон средината на следната недела бурата да направи „остро свртување“ и да се упати кон државите на централнот дел на Источниот Брег на САД и кон реонот на Нова Англија.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
