Замислете од Ибеј да ви честитаат за новиот автомобил кој што сте го купиле, а вие немате поим за што станува збор. Така му се случило и на американецот Пол Стоут од Портланд. Всушност автомобилот не бил нов туку Austin-Healey Sprite од 1962 година, кој „тој не знаејќи“ го набавил за 225 долари. Но уште повеќе се зачудил кога дознал дека не станува збор за грешка, туку автомобилот го купила неговата едногодишна ќерка Сорела.
Тој го оставил својот телефон во нејзина близина, таа го земала и чепкајќи успеала да се наддава за овој стар модел. Стоут претходно на „Ибеј“ барал автомобили со идеја со пријателите да остварат проект за реставрација на возила, па ќеркичката ненамерно му ја решила дилемата кој модел да го реставрира.
Сега тој и неговата сопруга Кристина ќе го задржат возилото, со идеја да го поправи и да ѝ го подари на Сорела за нејзиниот 16. роденден. Но за да се заштитат од други вакви изненадувања, на своите телефони активирале заштита за пристап до телефонот и ги тргнале сите апликации преку кои може да се врши купување преку интернет.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
