„Голф“ удри во трактор кај Неготино – едно лице итно пренесено на скопските клиники

Сообраќајна несреќа се случила на патот кај Неготино, едно лице е повредено.

Како што стои во билтенот на МВР, вчера во 9 часот на регионалниот пат Неготино – с. Лакавица се случила сообраќајна незгода меѓу трактор „ИМТ 539“ со неготински регистарски ознаки, управуван од Ж.П. (65) од с. Пепелиште, неготинско и патничко возило „Фолксваген голф“ со неготински регистарски ознаки, управувано од Г.Г. (40) од Неготино. Во незгодата со тешки телесни повреди се здобил возачот на тракторот, кој по укажаната помош во Општата болница – Неготино, поради карактерот на повредите, бил пренесен на лекување во Ургентен центар при комплексот клиники „Мајка Тереза“- Скопје.

Увид на местото на настанот извршила екипа од Полициската станица Неготино.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.