Двајца мигранти прегазени од воз во Грција

Двајца мигранти загинаа, а еден е повреден откако воз удрил во нив во североисточниот дел на Грција.

– Возот на релација Александруполис – Орменио, долж грчко-турската граница удри во три лица кои се движеа по пругата. Две од нив починаа, а едно лице е повредено, се наведува во соопштението на полицијата.

Несреќата се случила во два одвоени инциденти, но причината е истиот воз. Машиновозачот прво пријавил една несреќа кога возот удрил во две лица, од кои едното загинало. Возот продолжил да сообраќа и прегазил уште еден човек.

Мигрантите откако илегално ќе ја преминат турската граница во Грција се движат по пругата во текот на ноќта.

Не се соопштени националноста и идентитетите на мигрантите.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.