Рано утринава во 04.45 часот било пријавено дека на регионалниот пат Струмица–Владевци патничко моторно возило „Алфа ромео“ со струмички регистерски таблици управувано од 23-годишниот А.Д. од Струмица, удрило во паркирана приколка на Ј.М.(41) од Струмица.
Во незгодата со повреди се здобил А.Д. кој откако со помош на екипа од Територијалната противпожарна единица Струмица бил изваден од возилото, со возило на Итна медицинска помош бил пренесен во Медицинскиот центар во Струмица.
Увид извршила увидна екипа од Секторот за внатрешни работи Струмица.
Во времето од 05.20 до 11.00 часот сообраќајот на регионалниот пат Струмица-Владевци бил во прекин, поради вршење на увид.
Се работи на целосно расчистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
