Ахмети: Договоривме претседател на државата, но сега нема да го кажеме

Лидерот на ДУИ, Али Ахмети, останува на ставот дека Претседателот на Македонија треба да биде консензуален и дека за тоа треба да се договорат со македонската страна.
– Јас се придржувам на принципот дека Претседателот на државата треба да биде консензуален и дека треба да се договориме со македонската страна. Јас и тогаш разговарав со господинот Заев за Претседател на државата, пред пет години. Доколку тогаш најдев заеднички јазик со Заев, јас ќе излезев со тој кандидат без разлика на фактот што бев во коалиција со ВМРО-ДПМНЕ. Тогаш јас јавно кажав дека доколку постигнам договор со Заев, јас на претседателски избори ќе излезам со него. Но и сега, било кој избор што е подобар за Албанците, јас ќе го прифатам – рече Ахмети во интервју во емисијата „КликПлус“ на телевизија Тв21.

На новинарското прашање дали имаат одредено име кое ќе ги обединува Албанците и Македонците, Ахмети рече секако дека има, но дека сега нема да го кажат.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.