Девојче родено во 2005 година поладнево се удавило во општина Илинден, во ископ исполнет со вода каде што се градел објект.
Трагедијата се случила на улица бр. 2 во месноста Бигла во населбата Илинден. Случајот бил пријавен во 14.40 часот.
Екипа на противпожарната единица на Град Скопје се упатила кон градилиштето, но во меѓувреме жителите го извадиле телото на девојчето кое, најверојатно при игра, паднало во водата и се удавило. Лекарската екипа констатирала смрт.
Според изјави од жители на Илинден, 13-годишното девојче влегло во ископот со вода за да го извлече братчето и друго дете кои паднале во дупката.
Жителите бараат одговорност од фирмата што го градела објектот зашто местото не било обезбедено.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
