Повеќе дожд и без пеколни температури – еве какво лето не чека оваа година!

Можеби нема да има толку високи температури на какви што сме навиканите за летниот период но сепак, долгорочните прогнози најавуваат дека овој јули ќе биде сончев и топол.

Иако прогнозите кои се однесуваат на подолг период не можат да дадат прецизни податоци, сепак може да најават дека по оваа седмица во која условите повеќе личат на есен отколку на лето можеме да се надеваме на температури кои приличат на периодот од годината.

Синоптичарите велат дека некои екстремно високи температури нема да има. Во првата половина на јули максимумот ќе биде околу 30 степени што е малку под просекот за оваа година.

Во втората половина од овој месец температурите ќе бидат во рамките на просекот и ќе движат околу 33 степени.
Иако е тешко да се даде прогноза за толку долг временски период, синоптичарите најавуваат дожд во последната недела од јули и на почетокот од август, поточно околу Илинден.

Ако се водите по оваа прогноза и планирате годишен одмор, се чини идеално ќе биде некаде во втората седмица од август кога ќе имаме вистинско ето и температури кои на некои места низ Македонија ќе се доближуваат до 40 степени.

Ако си дадеме слобода да носиме заклучоци врз основа на овие податоци, годинава не чека лето со малку повеќе дожд од вообичаено и температури кои се во рамките на просекот, без некои екстремни жештини.

Но тоа се долгорочни прогнози, а метеоролозите за нив редовно велат дека треба да се земаат со резерва бидејќи е многу тешко да се предвиди какво време ќе имаме за неколку месеци.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.