Времето денеска ќе биде сончево со умерена облачност, а од пладне на повеќе места, особено во западните делови, ќе има услови за нестабилност со пороен дожд и грмежи.
Од управата за хидрометеоролошки работи информираат дека утринските температури ќе се движат од 9 до 16, а максималните дневни од 26 до 32 степени Целзиусови.
Во Скопје ќе преовладува сончево време со умерена облачност, а попладне ќе има услови за краткотраен дожд и ретки грмежи. Температурата ќе се искачи до 31 степен.
За време на викендот во попладневните часови на повеќе места ќе биде нестабилно со пороен дожд и грмежи, а локално процесите ќе бидат поинтензивни со засилен ветер и услови за појава на град. Локална нестабилност ќе има и во почетокот на наредната седмица, особено во вторник.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
