Американскиот астронаут Алан Бин, четвртиот човек кој стапна на Месечината, почина на 86-годишна возраст.
Бин починал во својот дом во Хјустон, опкружен со семејството и своите најблиски, изјави неговата сопруга.
„Тажни сме поради заминувањето на астронаутот Алан Бин. Четвртиот човек кој чекореше по Месечината помина повеќе од десет часа на површината во текот на мисијата Аполо 12”, соопшти НАСА.
Помина 31 час и 31 минута на Месечината
Инаку, Бин е роден на 15-ти март 1932 година во Тексас. Тој заедно со Пит Конрад ја истражуваше површината на Месечината во ноември 1969 година, веднаш по првиот лет на Месечината, изведен од Аполо 11, во кој учествуваа Нил Армстронг и Едвин Олдрин.
„Тие ја истражуваа површината на Месечината, изведоа неколку експерименти и ја инсталираа првата станица со нуклеарен генератор со цел да создадат извор на енергија”, изјави неговиот биограф.
Бин во вселената бил вкупно 69 дена, 15 часа и 45 минути, од кои 31 час и 31 минута на Месечината, објави неговото семејство.
We’re saddened by the passing of astronaut Alan Bean. The fourth person to walk on the Moon, he spent 10+ hours on the lunar surface during Apollo 12. Bean was spacecraft commander of Skylab Mission II & devoted his retirement to painting. Family release: https://t.co/bX8eXNQlSq pic.twitter.com/NJPQULjGlw
— NASA (@NASA) May 26, 2018
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
