Двокатниот автобус со кој се превезувале вработени, супервизори и други лица на прославата на Актор по повод отварањето на делницата Демир Капија-Смоквица бил најрегуларно изнајмен, информираат од ЈСП, објави „Независен“.
– Автобусот е изнајмен од страна на ‘Далма фоод кетеринг‘ за 24.500 денари за еден ден. Нема ништо спорно. Автобус од ЈСП може да изнајми кој сака, за тоа си има утврдени услови, ценовник кој постои веќе неколку години – изјавил Кристијан Чушков, директор на ЈСП за „Независен“.
Автобусот, трубачите, репертоарот на музиката, воопшто видеото од вчерашното свечено пуштање во употреба на автопатот ги преплави медиумите. Дури и „Актор“ денеска се огласи за случајот. Информира дека бил организатор на прославата и се извинува доколку нешто некому било згрешено.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
