Една од најпознатите српски онколози, хематолози и трансплантатор на матични клетки, д-р Надежда Басара ги предурпедува младите родители да не фрлаат пари за сочуввуање на матичните клетки од папочната врвца на нивните бебиња без претходно да се информираат. Според неа, тоа е чисто фрлање пари и комплетно непотребно.
– Мене до ден-денес ми е нејасно чувањето на матичните клетки – вели д-р Надежда, која е и светски позната по својата работа.
Таа го потврдува своето тврдење со фактот што досега никој во Европа не добил трансплантација од сопствените матични клетки од папочна врвца, вели овој познат специјалист.
– Матичните клетки од папочна врвца се чуваат на температура пониска од -140 ° С, во гасната фаза на течен азот и може да се сочуваат повеќе од пет години. Сепак, потреба за чување на матичните клетки од папочната врвца е практично непостојна. Чување на матичните клетки од папочна врвца стана мода во Црна Гора, Македонија и во Србија, јас не разбирам зошто се фрлаат пари бидејќи нивната понатамошна употреба е нејасна – вели Басара, и додава:
– Предлагам младите брачни двојки што сакаат да зачуваат матични клетки од папочната врвца претходно да се информираат кај лекари, а не кај компаниите што зачувуваат и да не фрлаат пари за џабе. Исклучок може да биде само во случаите каде што во семејството имало повеќе случаи на леукемија и лимфом, но дури и тоа не е индикација. Матичните клетки се најмоќните клетки во човековото тело и различни од сите други клетки во тоа што тие се самообновуваат.
– Во поделба, една клетка се враќа на дел од коскената срцевина, а другиот продолжува со пролиферацијата, односно да се реплицираат и да се создаде повеќе зрели клетки кои на крајот ќе станат нашите бели крвни зрнца (леукоцити), црвени крвни зрнца (еритроцити) и тромбоцити – вели Басара.
Сепак, кога станува збор за чување матични клетки од папочна врвца, таа укажува дека во светот постојат дваесет милиони регистрирани потенцијални донатори, така што употребата на матични клетки од папочната врвца го изгубила своето значење.
– Апликации за целите на регенеративната медицина се непотребни, како и во случај на, на пример, матичните клетки да треба да се користат за да се регенерираат ’рскавица на коленото, може лесно да се земе матични клетки од коскената срцевина, а не од клетки кои стојат 20 години во некој си резервоар – вели д-р Басара.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
