Две лица, од кои едно потешко, се повредени во сообраќајна несреќа која вчера околу 11:30 часот се случила во скопската населба Аеродром.
Од полицијата информираат дека несреќата се случила на крстосницата од булеварот „Јане Сандански“ со улицата „Васко Карангелески“ во Скопје при што дошло до судир помеѓу патничко возило „Ауди А4“ со скопски регистарски ознаки, управувано од Л.Е. (68) од Скопје и патничко возило „Фолксваген голф“ со штипски регистарски ознаки, управувано од Д.Л. (33) од Штип.
– Во судирот со тешки телесни повреди се здобила Н.Е. (64) од Скопје-сопатничка во возилото „Ауди“. Таа со друго возило била пренесена во Ургентниот центар при Комплексот клиники „Мајка Тереза“, каде и била укажана лекарска помош. Возачот во возилото „Ауди“, Л.Е. се здобил со телесни повреди, информираат од МВР.
Од полицијата додаваат дека возачот со возило на брза помош бил пренесен во Ургентниот центар при Комплексот клиники „Мајка Тереза“ и по укажаната лекарска помош бил пуштен на домашно лекување.
Увид на местото на настанот извршила екипа од СВР Скопје.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
