Не е исправна водата за пиење од четири чешми на исто толку локации во Прилепско, информираат од прилепскиот Центар за јавно здравје.
Според надлежните, неисправна е водата од крајпатната чешма на Плетвар, кај ресторанот „Че“, потоа од јавните чешми во Лениште, Ореовец и селото Плетвар што се наоѓаат среде селата. Водата од овие чешми не смее да се користи за пиење, без да се преврие најмалку 10 минути.
Ова се резултати од редовните анализи што ги прави Центарот за јавно здравје од Прилеп, за квалитетот на водата за пиење од јавните чешми во населени места, каде нема водоводи и не се вклучени во водоводната мрежа со која стопанисува ЈКП „Водовод и канализација“.
извор:а1.ом
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
