УЈП отвора нови шалтери за поднесување на Годишната даночна пријава

Во општинските згради на „Ѓорче Петров“, Бутел, Гази Баба и Аеродром како и на приземјето на Дирекцијата за големи даночни обврзници во зградата на ССМ, Управата за јавни приходи (УЈП) отвори дополнителни шалтери за поднесување на Годишна даночна пријава.

Од УЈП инфомрираат дека годишните даночни пријави во новотворените шалтери ќе можат да се вршат од 26 февруари до 15 март од 8 до 16 часот, во Аеродром до 18 часот, во Дирекцијата за големи обврзници до 21 часот исто како и на шалтерите лоцирани во сутеренот во Регионалната дирекција Скопје спроти Даре Џамбаз.

За сите дополнителни информации и помош при пополнувањето на Годишната даночна пријава, граѓаните можат да се обратат во Инфо центарот 0800 33 000 и 02/3253 200 или да побараат помош од даночните агенти во даночните канцеларии.

Заклучно со вчерашниот ден во УЈП се поднесени вкупно 85.031 Годишни даночни пријави, а од Управата очекуваат да се поднесат над 400 илјади даночни пријави до истекот на крајниот рок.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.