Во Кривичниот суд денеска почна судењето за предметот „Тифани“ во кој за даночно затајување е обвинета новинарката Ивона Талевска. Пред судијката Софија Лаличиќ, обвинителката Елена Јосифовска го презентира обвинителниот акт. Таа побара осудителна пресуда и плаќање на избегнатите обврски.
По презентирањето на обинителниот акт, судијката Лаличиќ даде пауза бидејќи претставникот на Државното правобранителство Зоран Петковски не беше во можност да се произнесе за висината на штетата. Тој рече дека го добил обвинениоето од СЈО на 15 февруари по што го доставил до УЈП, но, оти од таму до крајот на минатата недела не добил одговор, на што реагираше обвинителката, истакнувајќи дека тоа е крајно неодговорно и несериозно однесување, по што побара половина час пауза.
Случајот „Тифани“ се однесува на кривично дело што траело од 2008 до 2014 година, при што Талевска како управителка на друштвото за консалтинг „Смарт ДООЕЛ“ и на „Смарт груп ДООЕЛ Скопје“ за даночните 2008 2014 година одбегнала да плати даноци, а во завршните сметки давала лажни податоци, при што одбегнала да плати 2.314.463 денари или 37.634 евра преку фирмите и 1.040.840 денари или 16.924 евра личен данок.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
