Кривична пријава за струмичанец кој се самозадоволувал пред рекреативки на трим патека

Полицијата поднесе кривична пријава против 28-годишниот Р.Џ. од Струмица порад сомневање дека сторил кривично дело „задоволување на полови страсти пред друг“.
– На 3 овој месец околу 10 часот додека пријавителката заедно со нејзина другарка од Струмица оделе пеш по трим патеката од Ловен Дом кон манастирот „Св.Илија“, го забележале Р.Џ. полулегнат на една клупа во близина на Иванова Чешма. Кога ги здогледал, Р.Џ. го соблекол долниот дел од тренерките и почнал да се самозадоволува и да оди кон нив. Тие се исплашиле и побегнале. После тоа, го пријавиле настанот во СВР Струмица, информираше портпаролот на СВР Струмица, Хризантема Рендевска.

Откако бил пријавен настанот, осомничениот бил пронајден од полицијата и лишен од слобода.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.