Победникот на маратонот во Бостон, Лелиса Десиса, го врати медалот во чест на жртвите од бомбашкиот напад. Десиса му го предаде златното одличје на градоначалникот на Бостон, Томас Менино.
– Спортот обединува и никогаш не смееме да дозволиме да се претвори во бојно поле – рече Десиса. Повеќе од 6 илјади спортисти се собраа во Бостон и трчаа повторно во знак на почит и сеќавање на жртвите од бомбашкиот напад на 15 април. Тогаш во финишот на маратонската трка се случија неколку експлозии во непосредна близина на стартно-целната рамнина, а загинаа три лица и 260 беа повредени.
– Не сум го видел Бостон толку цврст, непоколеблив, сложен. Ви благодарам што дојдовте и покажавте дека сите заедно ќе ја надминеме големата трагедија – рече Менино по вчерашната трка.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
