Филмот „Исцелител“ на режисерот Ѓорче Ставрески е селектиран да се прикажува на интернационалниот филмски фестивал во Тромсо, кој е најголем во Норвешка.
Премиерното прикажување беше денеска, а филмот ќе има уште две проекции во текот на фестивалот.
– „Исцелител“ ќе биде прикажан во престижната програма „Хоризонти“ во која се избрани филмови од различни жанрови и стилови од целиот свет и во која единствен критериум е квалитетот. Во оваа програма се прикажуваат најзначајните кинематографски остварувања од минатата година, соопшти продукцијата „Фрагмент филм“.
Ова е 27-мо издане на фестивалот во Тромсо, кој со 60 000 посeтители е најголемиот и најпосетуван филмски фестивал во Норвешка.
На новогодишната ноќ „Исцелител“ беше премиерно емитуван на Синемакс 2, канал на ХБО во 14 земји од Централна Европа.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
