Тинејџер започнал бизнис во Мала Речица – еве што заплени полицијата од неговиот локал

Седум телевизори, по четири компјутери и монитори, три принтери и еден апарат за игри со кучиња како и поголема сума пари открила и одзела со потврда полицијата при контролата и увид извршен вчера во локал – нелегална спортска обложувалница во тетовска Мала Речица.

Портпаролот на СВР Тетово Марјан Јосифовски информираше дека локалот бил во сопственост на 19-годишниот Г.Х. од истото село.

– При контролата што била извршена околу 17 часот во локалот биле затекнати и двајца вработени Р.Н.( 26 ) и М.Ш.( 24) од Мала Речица, рече Јосифовски.

По расчистување на сите поединости ќе следува соодветен поднесок.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.