Маж, жена и нивниот син завчера истепале полициски службеници од полициското одделение Ранковце и полициската станица Крива Паланка, кои сакале да им го одземат тракторот, поради немање соодветна документација.
Како што соопшти МВР, завчера околу 10:25 часот Д.Т. (54) од Одрено, општина Ранковце, заедно со неговата сопруга З.Т. (40) и малолетните синови, физички нападнале полициски службеници од Полициското одделение Ранковце и Полициска станица Крива Паланка.
Полицајците требало да извршат интервенција – одземање трактор натоварен со дрва без соодветни документи, сопственост на Д.Т.. Тој со тракторот превезувал околу три кубни метри багремови дрва.
При интервенција на полициските службеници, Д.Т. со метална шипка удрил еден полициски службеник, неговата сопруга каснала друг полициски службеник, а едниот малолетник со рака удрил полициски службеник во пределот на телото.
Напаѓачите биле приведени и задржани во полициската станица Крива Паланка.
Се преземаат мерки за целосно расчистување на случајот.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
Поврзани вести
-
Скопјанец претепан со ланец и секира пред своите внуци
-
Функционер на ДУИ нападнал полицајка кај Мавровка – сакале да му го кренат џипот со пајак
-
Стружанка заработи кривична: Го нападнала сопругот со нож, го расекла на главата и челото
-
Инцидент во автобус на влезот во Драчево: Двајца скопјани нападнале контролор на ЈСП
