Предложените измени на Законот за вршење на услуги брз трансфер на пари, не претставуваат никаква промена на даночната политика, односно не претставуваат оданочување на дознаките, соопшти денеска Министерството за финансии.
– Со предложените измени се прави понатамошно усогласување со европското законодавство во делот на даночната евиденција. Поточно, со овие измени, се овозможува УЈП да има покомплетна евиденција на сите приливи, независно од нивното потекло, како и зајакнување на борбата против даночното затајување, се вели во соопштението.
Од Министерството за финансиии истакнуваат дека и понатаму ќе се применува постоечкото законодавство, според кое приливите по основ на лични трансфери, помош и подароци не се оданочуваат, додека дел од останатите приливи и понатаму ќе бидат предмет на оданочување, како на пример приливи по основ на извршена услуга.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
