Кошаркарското „Ел Класико“ за Реал Мадрид, „кралевите“ се шампиони на Шпанија

Реал Мадрид ја надигра Барселона со 79-71 во финалниот петти натпревар од кошаркарското „Ел Класико“ и ја освои титулата во Шпанија со 3-2 во победи. Последниот натпревар се одигра синоќа во Мадрид и го доби најтрофејниот шпански клуб, за прекин на постот од 6 сезони без титула. Реал сега има 31 круна како владетел во Шпанија, а сопрена е и двегодишната доминација на Барселона.

Руди Фернандез одигра одлично и постигна 15 поени, зад него со 14 поени е Фелипе Рејес. Најефикасен на мечот беше кошаркарот на Барселона Џо Инглс со 25 поени. Литванскиот ветеран Шарунас Јасикевичиус уфрли 23 поени, но Барселона, сепак, загуби иако ги имаше двајцата главни поентери на решавачкиот дуел.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.