Германски компании очајно бараат нови работници, судејќи според анкета спроведена од минхенскиот институт Ифо меѓу 9.500 фирми за нивните планови поврзани со вработување нови кадри.
Барометарот на Ифо за вработување се зголемил од 112 поени во октомври на 113,2 поени во ноември. Тоа е највисоко ниво регистрирано децении наназад.
Најмногу работници бараат компании од машинско инженерство и производители на електрични производи.
Во фирми што се занимаваат со дистрибуција исто така е изразена подготвеност за нови вработувања, а се очекува и зголемен број вработени во малопродажбата и големопродажбата. Слична е „сликата“ и во градежништвото каде претприемачите се жалат на огромни тешкотии во пополнување празни позиции, се вели во соопштението на Ифо.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
