Тринаесет сообраќајки вчера во Скопје

Тринаесет лица биле полесно повредени во шест од вкупно 13 сообраќајки регистрирани во текот на изминатите 24 часа на подрачјето на СВР Скопје. Во седум била причинета материјална штета.

Од МВР информираат дека вчера сообраќајната полиција открила и санкционирала поголем број прекршоци. Дваесет и три возачи се движеле со брзина поголема од дозволената, тројца возачи поминале на крстосница на црвено светло, шест не дале првенство на минување, а 11 лица неправилно се престроиле.

Од сообраќај биле исклучени 18 лица: двајца возеле под дејство на алкохол, шестмина пред да се стекнат со право на управување на патничко моторно возило, а 10 со нерегистрирано возило.

Санкционирани биле и 14 пешаци кои поминале коловоз вон пешачки премин и четворица пешаци кои поминале коловоз на црвено светло. Затекнати биле 81 непрописно паркирано возило. Со помош на специјалното возило „пајак“, отстранети биле 83 возила.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.