Неодговорното трошење на државните пари веќе не може да се сокрие. Во Фискалната стратегија за 2018-2020 година од министерството за финансии владата призна дека потрошила 340 милиони евра од девизните резерви без да објаснат каде и како ги истрошиле.
Во стратегијата, буквално се вели „Бруто девизните резерви на крајот на септември 2017 година изнесуваат 2.271 милиони евра и се намалени за 342 милиони евра со состојбата на крајот од претходната година, но се движат во сигурната зона, односно нивото на резерви се оценува како адекватно според сите релевантни критериуми“.
Доколку ова се земе во предвид заедно со енормното задолжување кое до сега изнесува над 430 милиони евра може да се заклучи дека Македонија се движи кон грчкото сценарио.
Дополнително, доколку се погледнат приложените пресметки може да се забележи дека со продолжување на неоснованото задолжување, владата проектира за првпат во историјата да ја премине стапката на задолжување од 50 проценти до 2018-та година. Ваквата стапка на долг, дражва со економски раст како Македонија тешко ќе ја сервисира. Истовремено, владата несвесно признава и дека не успеала да реализира ниту 50 проценти од предвидените капитални расходи.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
