Тринаесетгодишна ученичка од гостиварското основно училиште „Единство – Башкими“, по пад од столче со тешки повреди на ’рбетот е пренесена на скопските клиники.
Според СВР Тетово, до повредувањето дошло утрово во една од училниците, за време на големиот одмор. Девојчето се нишало на столчето и во еден момент ја изгубило рамнотежата и паднало на подот.
Набрзо по повредувањето било згрижено на ургентното одделение во гостиварската болница, каде ѝ биле констатирани повреди на пршлен од ’рбетниот столб. Заради тежината на повредата, таа е префрлена на Клиниката за трауматологија во Скопје.
Од СВР Тетово информираат дека работат на расветлување на околностите и начинот на кој девојчето било повредено.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
