Два германски филма на „Синедејс“: „Фадо“ и „Рафи“

Во рамките на фестивалот „Синедејс“ во киното Фросина во МКЦ ќе бидат прикажани два филмови и тоа германско-португалската копродукција „Фадо“ на 10.11.2017 во 17.30 часот и детскиот филм „Рафи“ на 11.11.2017 во 11.00 часот.

Проекција на германскиот филм „Фадо“ ќе се одржи в петок во киното „Фросина“ при Младинскиот културен центар во Скопје. Во фоајето на киното ќе бидете пречекани со звуците на фадо музиката и вино, а топлата фестивалска атмосфера на „Синедејс“ дополнително ќе не опушти во овој ладен ноември. 

 Овој afterwork настан ќе биде на 10 ноември (петок), во 17 часот во рамки на Фестивалот на европски филм „Синедејс“. Во филмот се зборува на германски, англиски и португалски јазик, а е преведен на македонски. Трае 101 минута. Улогите ги толкуваат: Голо Ојлер, Луис Хејер, Албано Џеронимо.

 Влезот е бесплатен.

 Приказната на „Фадо“: Лисабон, љубомора, страст и фадо музика. Кога младиот доктор, Фабијан (33) ќе забележи чудна сличност во лицето на негов пациент што умира, се освестува. Од каприц, тој заминува од Берлин за Лисабон, каде што неговата поранешна девојка Доро (31) работи како архитект. Доро е изненадена од ненадејната посета на Фабијан и не знае како да се справи со ситуацијата. Имале многу интимна, но исто така болна врска. Фабијан се бори за Доро. Тој сака да ја покаже дека научил од неговите грешки и е сериозен во намерата да се смират. Наоѓа стан во Лисабон, почнува да зема часови по португалски, па дури и ја напушта работата во Берлин за да може да започне нов живот со неа.

Boy and girl (8-10) in cinema, smiling, close-up

Детскиот „Рафи“ е авантура за потрагата на едно детенце чие милениче ќе се загуби со три краја. Режија на Аренд Агте, кој на програмата на „Синедејс“ е на 11 ноември, во 11 часот. Филмот е направен според книгата „Спасете го Рафи“ од Бетина Камперфер и Аренд Агте. Двајцата се детски психолози и ги познаваат децата. Ова е причината зошто приказната е многу предвидлива за возрасните, но за децата е полна со неизвесност. Улоги: Николаус фон дер Реке, Софи Линденберг, Хенриете Хајнце. Трае 97 минути, а жанрот е авантура и семеен.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.