Претседателот Иванов за британски „Телеграф“: Неуспехот на ЕУ на Балканот е повик за Кина и Русија

Европската Унија ја остава вратата отворена за кинеското и руското стратешко загрозување на Балканот поради нејзиниот апсолутен неуспех да се ангажира и да инвестира во регионот, изјави претседателот на Македонија Ѓорге Иванов за британски „Телеграф“.

Според Иванов ЕУ е заглавена во начинот на размислување од 20-тиот век, а ситните внатрешни расправии ја оставија неспособна да се соочи со предизвиците на тековниот век, од масовната миграција преку шефовите на дигиталниот криминал и реваншистичка Русија.

– До неодамна, немаше руски инвестиции во Македонија. Но, како што Европа се повлекува, или подобро кажано, не ги одржува своите ветувања за примање на Балканот како дел од Европската Унија, тоа е како повик од ЕУ да дојде и да го пополни тој простор – изјави Иванов во интервјуто за „Телеграф“.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.