Излезноста до десет часот во Кавадарци 14.8, Демир Капија 22.5 и Росоман 10.7 проценти

Од 32.706 кавадарчани со право на глас, до десет часот гласале 14.8 проценти од избирачите, информираше претседателот на Општинска изборна комисија Зоран Костов. Се гласа на 60 избирачки места во Кавадарци.

Претседателката на Општинска комисија Демир Капија, Стојна Топчиева, информираше дека вкупниот број на граѓани со право на глас во избирачкиот список е 3.405, а до десет часот имаат гласано 22.5 отсто од нив. Своето уставно право на глас демиркапијци можат да си го остварат на 11 избирачки места.

Според Лазар Симоновиќ, претседател на росоманската општинска изборна комисија, во избирачкиот список се евидентирани 3.410 избирачи, а росоманци можат да избираат на десет изборни места. До десет часот, излезноста е 10.7 проценти.

Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.