На 22 декември во Скопје новогодишен концерт ќе одржи една од најуспешните светски атракции „Џипси кингс“ (GIPSY KINGS). Актуелната формација на бендот, предводена од Пако и Михаел Балијардо (Paco & Mickael Baliardo) доаѓаат во Скопје со „Greatest hits“ сет, директно да ја збогатат предновогодишната атмосфера во Скопје.
Бендот стана планетарно популарен со заводливо мешање на традиционалниот фламенко стил со поп и латино ритам. Публика ќе ужива во најголемите хитови како: „Volare“, „Bamboleo“, „Baila me“ и уште многу други хитови.
Во текот на речиси три децениската кариера, „Џипси кингс“ (GIPSY KINGS) имаше неколку светски турнеи и продадоа над 25 милиони албуми. Еден од родоначалниците на денешниот стил на оваа група, Манитас де Плата (Manitas de Plata), чие вистинско име е Рикардо Балиардо (Ricardo Baliardo) е меѓу најголемите гитаристи на сите времиња.
Republika.mk - содржините, графичките и техничките решенија се заштитени со издавачки и авторски права (copyright). Крадењето на авторски текстови е казниво со закон. Дозволено е делумно превземање на авторски содржини (текст и фотографии) со ставање хиперлинк до содржината што се цитира.
